Um okkumFamiljan Leitisstein hevur drúgvar royndir innan vatn, hita og sanitet. Faðir til Zacharias Leitisstein, Aksel Leitisstein (føddur 17. juni 1900), var nevniliga rør- og blikksmiðjur, og byrjaði í læru hjá Nyholm Debes, Tórshavn, í 1919. Brøðurnir Rúni og Atle Leitisstein hava rikið P/F Zacharias Leitisstein seinni árini, og sostatt heldur langi arbeiðssiðurin fram í triðja ættarliðnum. Zacharias Leitisstein byrjaði virksemi sítt í Runavík í 1959. Fyrstu tíðina var arbeitt í leigaðum hølum.
Í 1960 vóru sethús bygd á Heiðavegi 10, og verkstaður varð innrættaður í kjallaranum. Umstøðurnar gjørdust enn betri í 1972, tá ið nýggjur verkstaður varð bygdur beint omanfyri sethúsini á Heiðavegi 10. Í 1981 varð virkið umskipað til partafelag. Partapeningur var 500.000 krónur. Tá ið umstøðurnar á verkstaðnum á Heiðavegi 10 vóru heldur trongar, var avgjørt at byggja nýggjan verkstað sama ár, sum partafelagið sá dagsins ljós. Nýggju hølini vóru á Mylnuvegi 1, og umframt verkstað var eisini handil innrættaður. Í 2005 stóð nýggja virkishúsið hjá P/F Zacharias Leitisstein liðugt á Rituvíkar Hálsi. Hesin nýtímans bygningur er umleið 1000 fermetrar til støddar. Bygningurin verður brúktur sum verkstaður hjá fyritøkuni. Við ársenda 2022 taka Hendrik Egholm, Rúni Vang Poulsen og Kári Sigvardsen við sum nýggir eigarar. |
Verkætlanir
|
|
 |